AI‑GOV

Білім

Жобаның үш деңгейлі білім беру жүйесі

Жоба аясында мемлекеттік сектор кадрларын даярлаудың бірізді білім беру траекториясы қалыптастырылды — бакалавриат деңгейіндегі базалық басқарушылық даярлықтан бастап магистратура мен докторантурадағы тереңдетілген кәсіби және зерттеушілік даярлыққа дейін. Әзірленген барлық бағдарламаларға авторлық куәліктер алынды.

  1. 01
    Бакалавриат

    Мемлекеттік және жергілікті басқару (minor)

    Мемлекеттік және жергілікті басқару саласындағы базалық құзыреттерді қалыптастыру.

    Ш. Уәлиханов атындағы Көкшетау университетімен және М. Өтемісов атындағы Батыс Қазақстан университетімен бірлесіп

    Авторлық куәлік№ 61230, 05.08.2025
  2. 02
    Магистратура

    Стратегиялық HRM

    Адами ресурстарды стратегиялық басқару саласындағы мамандарды тереңдетіп даярлау.

    «Академик Е.А. Бөкетов атындағы Қарағанды университеті» КеАҚ-пен бірлесіп іске асырылады. Бағдарлама ҒЖБМ Білім беру бағдарламаларының тізіліміне енгізілген (7M04113) және 2026 жылғы 1 қыркүйектен бастап іске асырылуда.

    Сондай-ақ Қазақстан Республикасы Президенті жанындағы Мемлекеттік басқару академиясында «Адами ресурстарды стратегиялық басқару» (7M04127) бағдарламасы әзірленіп, енгізілді — 2026 жылғы 1 қыркүйектен бастап іске асырылуда.

    Авторлық куәлік№ 61231, 05.08.2025
  3. 03
    Докторантура

    PhD «Стратегиялық HRM»

    Зерттеу әлеуетін дамыту және ғылыми-педагогикалық кадрларды даярлау.

    Кадрларды даярлаудағы сабақтастықты сақтау үшін Қазақстан Республикасы Президенті жанындағы Мемлекеттік басқару академиясымен бірлесіп әзірленді.

    Авторлық куәлік№ 75506, 23.06.2026
Қорытынды:3даярлық деңгейі3білім беру бағдарламасы3авторлық куәлік

Жаңалықтар мен іс-шаралар

Жоба қатысушылары Шанхайдағы симпозиумда
Шанхай қ., Қытай Халық Республикасы

«Жақсы үкімет, жақсы басқару: жаһанданған әлемдегі үкімет әлеуеті және басқару тиімділігі» халықаралық симпозиумы

Ғылыми зерттеу аясында «Жақсы үкімет, жақсы басқару: жаһанданған әлемдегі үкімет әлеуеті және басқару тиімділігі» халықаралық симпозиумымен бірлесіп өткізілген Мемлекеттік басқару және саясат мектептерінің бірінші форумына қатыстық. Іс-шараны Фудань университетінің Халықаралық қатынастар және мемлекеттік басқару мектебі (School of International Relations and Public Affairs at Fudan University) ұйымдастырды, Шанхай қ., Қытай.

Форумның мақсаты мемлекеттік басқару саласындағы білім беру, кәсіби даярлау және зерттеулер бойынша халықаралық ынтымақтастықты дамыту болды. Іс-шара аясында мемлекеттік басқаруды жаңғырту, институционалдық даму, цифрлық трансформация, мемлекеттік қызметті дамыту және халықаралық ынтымақтастық мәселелері талқыланды.

Брюссельге сапар
Брюссель қ., Бельгия

Vrije Universiteit Brussel (VUB) жанындағы Brussels Diplomatic Academy (BDA)-ға сапар

Vrije Universiteit Brussel (VUB) жанындағы Brussels Diplomatic Academy (BDA)-ға сапар барысында мемлекеттік қызметшілерді даярлау мен кәсіби дамытудың еуропалық тәжірибесі зерделенді. Сапар аясында Brussels Diplomatic Academy-дің білім беру жөніндегі директоры Prof. Cailin Mackenzie, PhD-мен кездесу өтіп, мемлекеттік қызметшілерді оқытудың заманауи тәсілдері, басқарушылық құзыреттерді дамыту және халықаралық білім беру ынтымақтастығын нығайту мәселелері талқыланды.

Сапар бағдарламасы академиялық қауымдастық, Брюссельдің муниципалдық органдары өкілдерімен және сарапшылармен кездесулерді де қамтыды. Талқылаулар барысында стратегиялық жоспарлау, цифрлық мемлекеттік басқару, ведомствоаралық өзара іс-қимыл және тұрақты даму мәселелері қаралды. Оқытудағы құзыреттілік тәсілге, практикаға бағытталған білім беру бағдарламаларына, нақты мемлекеттік кейстерді пайдалануға, сондай-ақ азаматтар мен бизнесті мемлекеттік басқару процестеріне тарту тетіктеріне ерекше назар аударылды.

Корея Республикасы, 2025 жылғы қараша

Корея Республикасына сапар

Ғылыми зерттеу аясында 2025 жылғы қарашада Корея Республикасы Үкіметінің Персоналды басқару министрлігіне (MPM) сапар жасалды. Ашық пікірталас форматында өткен кездесуде мемлекеттік кадрларды басқару, адами капиталды дамыту және мемлекеттік қызметтің цифрлық трансформациясы мәселелері қаралды. Талқылауға Персоналды басқару министрлігінің, Корея мемлекеттік басқару институтының (KIPA), сондай-ақ халықаралық ынтымақтастыққа, адами ресурстарды дамытуға және мемлекеттік кадрларды басқарудың цифрлық трансформациясына жауапты бөлімшелердің өкілдері қатысты.

Сапар бағдарламасы «Халықаралық ынтымақтастық және таланттарды дамыту» және «Кореядағы мемлекеттік қызмет реформасы» атты екі тақырыптық талқылауды, сондай-ақ біріккен киберқауіпсіздік орталығына баруды қамтыды.